ДзяржстандартПраграма «Якасць 2021–2025»
апублікавана 11.08.2021 12:35
Пытанням якасці Беларусь заўсёды ўдзяляла асаблівую ўвагу. Для нашай краіны гэта жыццёва важнае пытанне, таму што 50 % айчыннага валавога ўнутранага прадукту адпраўляецца на экспарт.
Вектары дадзенай работы адзначаны ў праграме «Якасць 2021–2025», зацверджанай намеснікам Прэм’ер-міністра Рэспублікі Беларусь Ю. В. Назаравым. Яны цесна ўвязаны з праграмнымі дакументамі развіцця краіны і еўразійскай эканамічнай інтэграцыі ў бягучай пяцігодцы. Праграма «Якасць 2021–2025» таксама ўключана ў Праграму дзейнасці Урада на 2021–2025 гады.
Прадугледжана рэалізацыя больш за 30 мерапрыемстваў па чатырох раздзелах: «тэхнічнае нарміраванне, стандартызацыя, метралогія, ацэнка адпаведнасці і акрэдытацыя»; «кампетэнтнасць у галіне якасці і эфектыўнага менеджменту»; «матывацыя, стымуляванне і прапаганда ідэй якасці і дзелавой дасканаласці»; «павышэнне якасці ў галінах».
Мерапрыемствы накіраваны на стымуляванне вытворчасці якаснай і канкурэнтаздольнай прадукцыі, усталяванне сучасных патрабаванняў да прадукцыі, развіццё выпрабавальнага патэнцыялу, а таксама ўдасканаленне прафесійных ведаў і культуры якасці ў цэлым.
Іх асноўнымі выканаўцамі з’яўляюцца 12 органаў дзяржкіравання.
Раздзелы па якасці таксама будуць уключаны ў праграмы развіцця галін з усталяваннем мэтавых індыкатараў і паказчыкаў якасці выпускаемай прадукцыі і далей – у бізнес-план кожнага прадпрыемства. Такі скразны падыход забяспечыць беларускай якасці новыя пункты росту і прызнання.
Метадычныя рэкамендацыі па распрацоўцы праграм якасці для галін эканомікі і арганізацый
Савет Міністраў Рэспублікі Беларусь
