Рэспубліканская алімпіяда па менеджменце

апублікавана 23.04.2021 12:34

Рэспубліканская алімпіяда па менеджменце (далей – Алімпіяда) праводзіцца ў адпаведнасці з пастановай Дзяржстандарта Рэспублікі Беларусь ад 13.05.2019 № 28 штогод, пачынаючы з 2014 года пры ўдзеле Міністэрства адукацыі.

Мэты Алімпіяды:

выяўленне студэнтаў і спецыялістаў, якія маюць высокія веды ў галіне менеджменту якасці;
матывацыя да павышэння ўзроўню ведаў і правільнага разумення патрабаванняў стандартаў у галіне менеджменту;
развіццё здольнасці прымяняць веды ў практычнай дзейнасці;
павышэнне якасці падрыхтоўкі спецыялістаў Рэспублікі Беларусь у галіне менеджменту.

У Алімпіядзе могуць прымаць удзел студэнты і магістранты (незалежна ад формы атрымання адукацыі) устаноў вышэйшай адукацыі (далей – УВО) Рэспублікі Беларусь (незалежна ад формы ўласнасці), а таксама спецыялісты ў галіне якасці, прафесійная дзейнасць якіх звязана з якасцю прадукцыі і паслуг, ва ўзросце да 30 гадоў.

Удзел у Алімпіядзе можа быць індывідуальным і камандным. У выпадку каманднага ўдзелу каманда павінна складацца з 4 удзельнікаў.

Алімпіяда праводзіцца ў два этапы.

На першым этапе правядзення Алімпіяды ўдзельнікі ў тэрмін да 1 сакавіка года правядзення Алімпіяды падаюцьва УВО – калі яны з'яўляюцца студэнтамі, магістрантамі, або сакратарыят – калі яны з'яўляюцца спецыялістамі ў галіне якасці (вул. Наватарская, д. 2а, 220053, г. Мінск, БелДІСС, комн. 412, тэл. +375 17 269 69 64, e-mail: ntc@belgiss.by).

заяўку (у выпадку каманднага ўдзелу інфармацыя падаецца па кожнаму ўдзельніку);
рэферат на актуальную тэму па праблемах менеджменту або па любой з прапанаваных Дзяржстандартам тэм;
прэзентацыю.

Удзельнікі, рэфераты якіх атрымалі 60 і больш балаў, дапускаюцца да другога этапу, і ім прысвойваецца статус фіналіста Алімпіяды.

На другім этапе правядзення Алімпіяды УВО да 1 красавіка перадае ў сакратарыят:

дакументы фіналістаў (заяўку, рэферат, прэзентацыю);
спіс фіналістаў;
суправаджальны ліст УВО аб накіраванні дакументаў фіналістаў;
вынікі ацэнкі рэфератаў.

Падвядзенне вынікаў Алімпіяды, у тым ліку ўзнагароджанне пераможцаў, ажыццяўляецца да 31 мая Рэспубліканскай экспертнай камісіяй, сфарміраванай з прадстаўнікоў Дзяржстандарта, Мінадукацыі, вядучых спецыялістаў арганізацый у галіне менеджменту якасці.

Пераможцы атрымліваюць права на публікацыю працы ў выглядзе навуковага артыкула ў выданнях Дзяржстандарта.

Інфармацыя аб пераможцах Алімпіяды публікуецца ў сродках масавай інфармацыі і размяшчаецца на сайтах Дзяржстандарта (www.gosstandart.gov.by) і Міністэрства адукацыі (www.edu.gov.by) у глабальнай камп'ютарнай сетцы Інтэрнэт.

Інструкцыя аб парадку правядзення Рэспубліканскай алімпіяды па менеджменце

Інструкцыю аб парадку правядзення Рэспубліканскай алімпіяды па менеджменце можна заказаць у БелДІСС па тэл.: +375 17 269 69 12 , а таксама набыць у спецыялізаваныммагазіне «Стандарты» (г. Мінск, вул. Наватарская, д. 2а, 220053, тэл. +375 17 269 68 74).

Дадатковую інфармацыю аб Алімпіядзе і неабходныя кансультацыі можна атрымаць у БелДІСС: 220053, г. Мінск, вул. Наватарская, д. 2а, к. 412, тэл. +375 17 269 69 64, факс+375 17 269 69 54 , е-mail: ntc@belgiss.by.