Прымяненне тэхнічных рэгламентаў МС (ЕАЭС)

апублікавана 26.08.2019 14:11

Аб прымяненні ТР МС 025/2012 у дачыненні да люстэркаў навясных

Пры прымяненні тэхнічнага рэгламенту Мытнага саюза «Аб бяспецы мэблевай прадукцыі» (ТР МС 025/2012) у арганізацыі Рэспублікі Беларусь узнікла пытанне аб распаўсюджванні дадзенага рэгламенту на люстэркі навясныя ў рамах або без іх.

Так, у адпаведнасці з ДАСТ 20400-2013 «Прадукцыя мэблевай вытворчасці. Тэрміны і азначэнні» навясное люстэрка аднесена да відаў вырабаў мэблі. Дадзены дакумент уключаны ў праект Пераліку дакументаў у галіне стандартызацыі, у выніку прымянення якіх на добраахвотнай аснове забяспечваецца выкананне патрабаванняў ТР МС 025/2012 (далей – Пералік).

У той жа час у Пералік прадукцыі, у дачыненні да якой падача мытнай дэкларацыі суправаджаецца прадстаўленнем дакумента аб ацэнцы адпаведнасці патрабавання ТР МС 025/2012, уключана прадукцыя з кодамі ТН ЗЭД ЕАЭС па таварных пазіцыях 9401, 9403, 9404 і адсутнічае прадукцыя з кодамі па таварнай пазіцыі 7009 «Люстэркі шкляныя, у рамках або без рам, уключаючы люстэркі задняга агляду».

ДАСТ 17176-91/ДАСТ 17176-2014 «Люстэркі. Агульныя тэхнічныя ўмовы», які вызначае патрабаванні да люстэркаў, таксама не ўключаны і не прадугледжваецца да ўключэння ў названы вышэй Пералік.

У сувязі з гэтым Дзяржстандартам быў накіраваны адпаведны запыт у Еўразійскую эканамічную камісію і атрыманы адказ.