ДзяржстандартРаспрацоўка стандартаў
апублікавана 16.04.2026 15:28
Прапановы па распрацоўцы дзяржаўных стандартаў можа прадставіць любая зацікаўленая арганізацыя ў адпаведнасці з Правіламі распрацоўкі дзяржаўных стандартаў Рэспублікі Беларусь, зацверджанымі пастановай Дзяржстандарта ад 12 ліпеня 2017 г. № 59.
Прапанову-заяўку ў План дзяржаўнай стандартызацыі Рэспублікі Беларусь трэба рэгістраваць на партале е-ТК для разгляду адпаведным нацыянальным тэхнічным камітэтам па стандартызацыі (ТК).
Пасля атрымання прапановы нацыянальны ТК абмяркоўвае з адпаведнымі экспертамі на партале е-ТК патрэбнасцьу дадзеным стандарце.
Калі прапанову па яго распрацоўцы падтрымалі больш за 50 % членаў Нацыянальнага ТК, то яна лічыцца прынятай.
Распрацоўка ўключаецца ў План дзяржаўнай стандартызацыі. Дзяржаўны орган або любая іншая арганізацыя, якія арганізавалі яе, зацвярджаюць тэхнічнае заданне, і арганізацыя-распрацоўшчык прыступае да распрацоўкі праекта стандарту.
Праект размяшчаецца на рэсурсе www.stb.by і любы зацікаўлены можа накіраваць свой каментарый арганізацыі-распрацоўшчыку.
Атрыманыя каментарыі разглядаюцца распрацоўшчыкам стандарту, уключаюцца ў зводку водгукаў. Па выніках рыхтуецца канчатковая рэдакцыя стандарту, якая таксама размяшчаецца на www.stb.by і накіроўваецца распрацоўшчыкам на метралагічную экспертызу (у БелДІМ, пры неабходнасці) і нарматыўна-тэхнічную экспертызу (у БелДІСС).
Пасля правядзення экспертыз стандарт прадастаўляецца ў Дзяржстандарт для разгляду і зацвярджэння.
Пры гэтым стадыі пачатку распрацоўкі стандарту і завяршэння разгляду яго праекта распрацоўшчык суправаджае паведамленнямі, аформленымі па ўстаноўленай форме, для інфармавання ўсіх зацікаўленых бакоў і забеспячэння празрыстасці працэсу распрацоўкі.
Інфармацыя аб ходзе распрацоўкі і праектах стандартаў
Формы для афармлення паведамленняў
Рэкамендацыі па распрацоўцы тэхнічных заданняў на распрацоўку дзяржаўных і міждзяржаўных стандартаў
Савет Міністраў Рэспублікі Беларусь
