Аб разглядзе праектаў міждзяржаўных стандартаў, форма водгуку на праект, паўнамоцныя прадстаўнікі Рэспублікі Беларусь у саставе МТК

апублікавана 27.04.2023 08:51

У Рэспубліцы Беларусь у якасці дзяржаўных стандартаў дзейнічае больш за 26 тысяч міждзяржаўных стандартаў (Даст), якія адыгрываюць важную ролю ў прамысловасці, накіраваны на павышэнне канкурэнтаздольнасці і экспартаарыентаванасці беларускай прадукцыі.

Дадзеныя стандарты дзейнічаюць у дзяржавах – удзельніках Садружнасці Незалежных Дзяржаў (СНД), якія падпісалі на міжурадавым узроўні Пагадненне аб правядзенні ўзгодненай палітыкі ў галіне стандартызацыі, метралогіі і сертыфікацыі (13 сакавіка 1992 г., г. Масква).

Роля ДАСТ нязмерна ўзрасла ў рамках Еўразійскага эканамічнага саюза (Мытнага саюза), паколькі дадзеныя стандарты прымяняюцца для выканання патрабаванняў тэхнічных рэгламентаў Еўразійскага эканамічнага саюза (Мытнага саюза) (далей – ТР ЕАЭС (МС)) і ацэнкі адпаведнасці іх патрабаванням.

У сувязi з гэтым у апошнія гады значна павялічылася колькасць праектаў Даст, якія паступаюць на разгляд у Рэспубліку Беларусь. Усе праекты паступаюць на наступных стадыях:

− першая рэдакцыя праекта ДАСТ – на разгляд;

− канчатковая рэдакцыя праекта ДАСТ − на галасаванне.

У Рэспубліцы Беларусь пазіцыю краіны па праектах ДАСТ, якія распрацоўваюцца ў рамках міждзяржаўнага тэхнічнага камітэта па стандартызацыі (далей – МТК), у якасці паўнамоцных прадстаўнікоў прадстаўляюць тэхнічныя камітэты па стандартызацыі (далей – ТК BY), галiна дзейнасці якіх супадае з галiной дзейнасці МТК.

У астатніх МТК дадзеныя работы ў адпаведнасці з загадам Дзяржаўнага камітэта па стандартызацыі Рэспублікі Беларусь (далей – Дзяржстандарт) ад 03.02.2023 г. № 26 выконвае навукова-вытворчае рэспубліканскае ўнітарнае прадпрыемства «Беларускі дзяржаўны інстытут стандартызацыі і сертыфікацыі» (далей – БелДІСС).

Па праектах ДАСТ, якія распрацоўваюцца па-за рамкамі МТК, рашэнне прымае Дзяржстандарт.

Праекты ДАСТ размяшчаюцца ў Аўтаматызаванай інфармацыйнай сістэме Міждзяржаўнага савета па стандартызацыі, метралогіі і сертыфікацыі (АІС МДС), а арганізацыя іх разгляду ўскладзена на ТК BY і БелДІСС.

Праекты ДАСТ разглядаюцца ў адпаведнасці з галiной іх прымянення арганізацыямі, зацікаўленымі ў дзейнасці МТК, членамі ТК BY, рэспубліканскімі органамі дзяржаўнага кіравання, вядучымі навуковымі арганізацыямі і прамысловымі прадпрыемствамі.

Пры разглядзе праектаў ДАСТ неабходна ўлічваць заканадаўства Рэспублікі Беларусь, Еўразійскага эканамічнага саюза, патрэбнасці нацыянальнай эканомікі.

З мэтай пашырэння кола суб'ектаў тэхнічнага нармiравання і стандартызацыі, якія могуць быць уцягнуты ў разгляд праектаў ДАСТ і абгрунтаванае меркаванне якіх можа быць улічана пры дапрацоўцы праектаў ДАСТ, на сайце www.stb.by размяшчаюцца пералікі праектаў ДАСТ, якія паступілі на разгляд у Рэспубліку Беларусь у залежнасці ад даты іх размяшчэння ў АІС МДС.

У дадзеных пераліках прыводзяцца абазначэнне ДАСТ/від работ/інфармацыя аб узроўні адпаведнасці міжнародным і рэгіянальным стандартам (пры наяўнасці), яго найменне, а таксама канчатковая дата прадстаўлення заўваг і прапаноў.

У выпадку зацікаўленасці ў праекце (праектах) ДАСТ неабходна звярнуцца ў БелДІСС (orp@belgiss.by), паведаміўшы абазначэнне і/або найменне праекта (праектаў) ДАСТ, а таксама кантактныя даныя. Дадзены запыт будзе накіраваны па прыналежнасці адказным за падрыхтоўку пазіцыі Рэспублікі Беларусь па дадзеным праекце.

Звяртаем увагу, для таго, каб заўвагі і прапановы былі ўлічаны, водгук на праект ДАСТ павінен быць канкрэтным і абгрунтаваным і адпавядаць патрабаванням ДАСТ 1.2-2015 «Міждзяржаўная сістэма стандартызацыі. Стандарты міждзяржаўныя, правілы і рэкамендацыі па міждзяржаўнай стандартызацыі. Правілы распрацоўкі, прыняцця, абнаўлення і адмены». Форма водгуку на праект ДАСТ прыведзена ніжэй.

Водгукі, якія паступілі пасля сканчэння даты прадстаўлення, могуць быць не ўлічаны.

У выпадку ўзнікнення пытанняў і/або для атрымання кансультацыі звяртацца ў БелДІСС: +375 17 269 68 23.

Пералiкi праектаў ДАСТ, якiя паступiлi на разгляд

Форма водгуку на праект ДАСТ

Паўнамоцныя прадстаўнiкi Рэспублiкi Беларусь у саставе МТК